От ыйын 8 күнэ -ДЬИЭ КЭРГЭН, ТАПТАЛ КҮНЭ

 den semyi 71b82

От ыйын 8 күнэ -ДЬИЭ КЭРГЭН, ТАПТАЛ КҮНЭ

Тапталгыт эһиэнэ
Тойон сэргэ буолан,
Дьонтойон туран,
Үрдүгүтүттэн үргүөрү үргүппэтин!
Аар сэргэ буолан
Аарыгыран туран,
Анныгытыттан аргыары
Аһарбатын!
Ытык сэргэ буолан
Ыадаллан туран,
Кырдьыыны, кыыбаҕаны кыйдаатын.
Саргы салалыннын,
Өрөгөй үрдээтин,
Дьол тосхойдун,
Туску туһаайдын,
Мичил билистин,
Айхал ананнын,
Уруй олохтоннун!

Олоҥхо театрын бар дьоно

 
 

Азия оҕолорун оонньуута

Азия оҕолорун оонньуута

Битээлий Былааһап

vlasov ac8d3Азиаттар оонньуулара диэн тугуй? Боотурдар ыһыахтара (күрэхтэһиилэрэ). Азия олохтоохторун бырааһынньыктара. Эйэ түһүлгэтэ.
Азиаттар хаспытый? Орто дойдуга 6,7 миллиард киһи олорор. Киһи аймах аҥаара азиаттарбыт. Сахалар түүр омукпут. Аан дойду 1 миллиард киһитэ — түүр омук. Онон биһиги элбэхпит... (Азия — Аас ийэ... Аас ийэ оҕолоробут...)
Уот. Саха норуотугар уот туһунан сомоҕо-домоҕо чаҕылхай этии тыл баар. Ол маннык.
Түҥ былыр, уота умуллубут ыал атын алаастан уот ыла барар эбит. Ол иһин тиэтэйэ-саарайа сылдьар, кылгас кэмҥэ кэлбит, сып-сап тэскилиир киһини "уот ыла кэллиҥ", "уот ыла сылдьаҕын", "уот ылан бардыҥ дуу?" диир эбиппит...
Саха омук уот иччитигэр оннук сүгүрүйэр, ас кээһэр, сиэр-туом толорор, санаатын ыраастанар, уот иччитиниин кэпсэтэр буолбут...

Подробнее...
 

«ОЧЧОҔО ЫНАХПЫН АҔАЛ...»

«ОЧЧОҔО ЫНАХПЫН АҔАЛ...»

Реас Кулаковскай

reas kulakovskii 1b40bБиһиги иккиэ буоламмыт, үрэх күөлүгэр балыктаан аһыы, сынньана бардыбыт. Дьиэбититтэн киэһэлик хоҥуннубут. Онон түүнү быһа хаамтыбыт.
Күөлбүтүгэр тиийэрбит көс аҥара хаалбытын кэннэ, түүн үөһүн саҕана сиик бөҕө түстэ. Үрэхпит улаханнык кыараан, сорох сирдэринэн киһитээҕэр үрдээн ылаттыыр күөх ыарҕа үрүйэ буолла. Баран иһэр ыллыкпыт кыараҕаһа бэрт буолан, ыарҕа сиигэ биһигини, ууттан тахсыбыт дьон курдук, ньылбы сытытта.
Тыас-уус, саҥа-иҥэ суох. Арай, сотору-сотору сис чыычааҕа, киһи үһүүрэн эрэринии, чуораадыйбахтыыр.
Бэс ыйын бүтэһик да күннэрэ буоллар, биһиги тоҥо быһыытыйаммыт, им-дьим хаамсан сиппириһэммит, күн эрэ тахсыан иннинэ, тумантан өрө үллүбүт күөлгэ тиийэн кэллибит.
Биһиги тоҥмуппутун аһараарыбыт, күөл быһытта турар сыырын үрдүгэр уот отто охсоммут, итиннибит. Дуоһуйа ирэн-хорон барыыбытыгар, күн быһаҕастыы тахсан, килбэйэн кэллэ.
— Чэ, ыл, эн уута баһан таһаараҥҥын, чэйдэ өр. Мин илиммин үтэн тахсыам,— диэтэ киһим, туран рюкзагыттан илимин ыла-ыла.

Подробнее...
 

Кэлэн ааспыт кэмнэр кэрдиистэрэ...

Кэлэн ааспыт кэмнэр кэрдиистэрэ...

Гаврил Колесов

Gavril Kolesov 65d6e— Ок-сиэ! Бу уол аата, оҕонньорго, кырдьаҕас киһиэхэ дылы, тоҕо өрүү былыргыны, хаалбыты сөхсүтэ-үөдүтэ сатыы сылдьар оҕоҕунуй? Аата, дьүһүлэнэн түһэҥҥин! Пахайбын да, онолуйа сытыйан! Ити былыргы кылыһахтаах ырыаны тоҕо сөбулүүр баҕайыгыный?! Эчи, кыллырҕатан түһэн, истиэххэ тоҕо баҕас куһаҕанай?! Түксү-түксү, уурай! Ойууннаан, олоҥхолоон бүт! — диэн аныгылыы быһа түстэҕинэ, тугу да диэхпин, туох да диэн хардарыахпын билбэккэ, мух-мах буоларым, наһаа кыбыстарым, туох да диэн мөккүспэт, утарыласпат этим. Ол оннугар испэр наһаа хомойорум, тууйулларым, дьонтон, ыччаттан эрэ итэҕэс курдук сананарым. Санаам олус түһэрэ, үөҕүллүбүт, атаҕастаммыт курдук буоларым.
Онтон сылтаан олох кыра сылдьан, сороҕор оҕолор онно-манна өтөххө, сайылыкка хаалбыт, эҥин араас оҥо быһыы дьэрэкээн ойуулаах, кэрэ көстүүлээх, наһаа үчүгэйдик чочуллан оҥоһуллубут чорооннору, кытыйалары, чохообуллары, хамыйахтары, кымыс астыыр тэриллэри, урукку батталлаах-атаҕастабыллаах, эргэ, хараҥа олох тээбириннэрин курдук өйдөөн-сыаналаан, хайыта сынньа, үлтүрүтэ тэпсэ оонньуулларын көрө-көрө, хараастарбын, уйадыйарбын өйдөөн кэлэрим. Уонна: «Мин эмиэ ити эргэ, хаалбыт тэриллэр курдук урукку, ааспыт үйэ умнуллан, быраҕыллан эрэр киһитэ буолуом дуо?» — диэн бэйэм үөлээннээхтэрбиттэн, биир саастыылаахтарбыттан аһара итэҕэстик сананар, мунчаарар, хараастар түгэннэрим аҕыйаҕа суох этилэр.

Подробнее...
 

БАЛЫКСЫТ

БАЛЫКСЫТ

Николай Неустроев

neustroev f7d26Ок-сиэ, ким манна бу курдук хара мастаах ийэ тыа үүнэн тахсан, күнү-ыйы хаххалаатыҥ диэн анаабыта буолуой?
Дьэ, доҕоттоор, тыа да тыа!
Тиит маһын тэҥкэтэ, тоҥ сиртэн өрө үүнэн тахсан, уһуктаах чыпчаалынан үрдүк күөх халлаан ньуурун аала турбатах абаккабыт баар эбит диэх курдук, куугунаһа — курулаһа, иҥиэттэ иэдэйэ турдахтара үһү.

Тыас иһиллээбит курдук чуумпу.
Хаһан эмэ мас быыһынан куттас куобах сүүрэн элэс гынан ааһар; биирдэ эмэтэ хара улар тиит төбөтүгэр хатанан, үөһээҥи үрдүк. килбиэннээх халлаан диэки, тугу эрэ тойоннообут курдук, чолойон олороро көстөр.
Бу хара тыа ортотугар төгүрүк тыымпы күөл кубарыйан, долгулдьуйан көстөр.

Хара тыаҕа тэһийиминэ, тыымпы күөл кытыытыгар көтөн түстэххэ ханан даҕаны хонуу диэн хадьааһын көстүбэт, арай күөл кытыытыгар муҥур куруҥ буолбут тииттэр синньигэс бииллэригэр диэри ууга түһэн мултуһан тураахтыыллар, кинилэри көрдөхпүнэ, сүрэҕим ыалдьар, кутум-сүрүм тэһииккиир буоллаҕа үһү.

Подробнее...
 

В Якутии появится новый театр

gulun 04 93abcТеатральное искусство Якутии давно привлекает внимание критиков и зрителей своей самобытностью и оригинальностью. Саха театр, Театр Олонхо, Национальный театр танца – за последние годы эти коллективы стали визитными карточками республики. А в будущем году в Якутии распахнет свои двери еще новый театр, который также обещает стать уникальным.

Речь идет о театре коренных малочисленных народов Севера, который объединит драматические традиции сразу нескольких народов, проживающих в Якутии: эвенков, юкагиров, эвенов, долган, чукчей.

Работа по созданию театра началась после того, как во время V съезда коренных малочисленных народов Севера РС (Я), который прошел в Якутске в марте 2013 года президент Якутии Егор Борисов выступил с инициативой о создании Государственного театра малочисленных народов Севера РС(Я).

Подробнее...
 


Страница 260 из 278

Коллектив театра

Линия жизни

Иван Шакуров

И.Ю. Пестряков

Афиша

“Кыыс Дэбилийэ” премьерата!
ПРЕМЬЕРА! ПРЕМЬЕРА! ПРЕМЬЕРА!Саха норуотугар “Кыыс Дэбилийэ” курдук биир уһулуччулаах эпическэй айымньыны бэлэхтээбит улуу олоҥхоһут Н.П.
Олоҥхо театра “Күн Эрили” диэн оҕолорго аналлаах куукуланан испэктээкилгэ ыҥырар
"Күн Эрили"Олунньу 19 20 күннэригэр 1100 1500 чаастан А.Е. Кулаковскай аатынан Норуоттар доҕордоһууларын Дьиэтигэр Олоҥхо...

Поиск

Карта посетителей