Култуура үлэһиттэригэр үрдүк наҕаарадалары туттардылар

фотоСаха сирин култууратын уонна ускуустубатын деятеллэригэр судаарыстыбаннай наҕарааданы туттардылар.

Ол курдук, "Саха сирин норуодунай артыыһа" үрдүк ааты өрөспүүбүлүкэ үтүөлээх артыыстара Прасковья Адамова уонна Александра Муттерперл ыллылар. Кыыл Уолун аатынан Үҥкүү тыйаатырын артыыскатыгар Анна Томскаяҕа "Саха сирин үтүөлээх артыыһа" ааты иҥэрдилэр. СӨ Култууратын үтүөлээх үлэһитэ ааты М.Н. Жирков аатынан Дьокуускайдааҕы музыкальнай колледж уһуйааччытыгар Анастасия Каженкинаҕа иҥэрдилэр. Дьокуускайдааҕы балетнай оскуола худуоһунньугар Ирина Филипповаҕа "Гражданскай килбиэн" бэлиэни туттардылар.

Вице-премьер Сергей Местников  култуура эйгэтин үлэһиттэрин идэлээх бырааһынньыктарынан эҕэрдэлээтэ. Култуура миниистирэ Юрий Куприянов бэлиэтээбитинэн, Саха сиригэр култуура эйгэтигэр 11 тыһ. киһи үлэлии сылдьар. Сергей Местников былырыын ахсынньыга Ил Дархан Айсен Сергеевич Ил Түмэҥҥэ анал туһаайыытыгар култуураҕа сыһыаннаах социальнай эбийиэктэри элбэтэргэ эппитин аҕынна. 2020 сыллаахха Хандыгаҕа саҥа бибилэтиэкэ үлэҕэ киирбит, Дьокуускайга Гагарин аатынан култуура уонна аныгы ускуустуба Киинэ, Сунтаарга Кыл Уолун аатынан норуот айымньытын киинэ, Майаҕа Ходулов аатынан Култуура киинэ, Тааттаҕа Моҕол Ураһа тутуллубуттар. Соторутааҕыта Бүлүү куоратыгар Марк Жирков аатынан култуура Дыбарыаһа үлэҕэ киирбит.

Источник: http://kyym.ru

Вернуться назад  

Коллектив театра

Линия жизни

Иван Шакуров

И.Ю. Пестряков

Афиша

“Кыыс Дэбилийэ” премьерата!
ПРЕМЬЕРА! ПРЕМЬЕРА! ПРЕМЬЕРА!Саха норуотугар “Кыыс Дэбилийэ” курдук биир уһулуччулаах эпическэй айымньыны бэлэхтээбит улуу олоҥхоһут Н.П.
Олоҥхо театра “Күн Эрили” диэн оҕолорго аналлаах куукуланан испэктээкилгэ ыҥырар
"Күн Эрили"Олунньу 19 20 күннэригэр 1100 1500 чаастан А.Е. Кулаковскай аатынан Норуоттар доҕордоһууларын Дьиэтигэр Олоҥхо...

Поиск