"Эрэл" үҥкүү тыйаатырын үбүлүөйдээх киэһэтэ.

erel 8 02038Бэс ыйын 8 күнүгэр "Сэргэлээх" култуура киинигэр "Эрэл" норуодунай үҥкүү тыйаатырын 30 сааһын бэлиэтиир үбүлүөйдээх айар киэһэтэ буолан ааста.
Бу дьоро киэһэҕэ көрөөччүлэр И. Избеков. "Сур соноҕос аттаах Сургуулай бөҕө" уонна Н. Абрамов -Кынат "Удаҕаттар Уолумар Айгыр икки" олоҥхолорун матыыбынан үҥкүүнэн уонна ырыанан туруоруллубут испэктээкили астына көрдүлэр, дуоһуйа иһиттилэр.Туруорааччы-режиссердар - Сима Толстякова, Долана Федотова.
Дьоро киэһэ аан дойду айыллыытын ырыатынан арылынна, аргыыйдык сыанаҕа Айыы Намыһыын удаҕаннар таҕыстылар, бары бииргэ хамсанан биир турукка киирэн дьон интэриэһин тута тартылар, биир эйгэҕэ түмнүлэр. Таас хайа быыһыттан таас буолбут Сургуулай бухатыыры ылан тилиннэриилэрэ бэйэтэ туспа сиэр-туом (ритуал) курдук ааста.
Бухатыыр оруолун Дьулус Васильев итэҕэтиилээхтик туттан-хаптан, үҥкүүлээн көрдөрдө. Кини тула удаҕан кыргыттар үөһэ көтө сылдьар курдук чэпчэки-чэпчэкитик хамсанан сайыҥҥы сөрүүн тыалы санаттылар. Биир бэйэм, чахчы олоҥхо дойдутугар киирэн кэлбит курдук сананным. Дьэ, киһи көрүөҕүн көрөр дьикти көстүүтэ буолан биэрдэ.
Испэктээкил маҥнайгы чааһа. Сургуулай бөҕө тиллиитинэн, бухатыыр бодотун ылыытынан түмүктэннэ. Иккис чааһыгар, этиллибитин курдук, икки аҕыс-балыс удаҕаннар туһунан оонньууну көрдүбүт.
Уолумары- Катерина Павлова, Айгыры Виктория Кутанова толордулар. Кыргыттар оруолларыгар киирэн, испэктээкилгэ туспа тыыны иҥэрдилэр. Кинилэри арыаллыыр буойун кыргыттар үҥкүүлэрэ хорсун-хоодуот биис ууһун уобарастаан көрдөрөргө дылы.
Сыанаҕа бу быһа тардыы манан эрэ муҥурдаммата: саамай чыпчаала абааһы бухатыыра улахан кыыһы- Уолумары уоран-талаан Аллараа дойдуга илдьэ барара ойууланна. Бу оруолу Дьулус Николаев дьиҥнээхтик илэ кэлбит курдук толордо. Эмискэ сыанаҕа абааһы "бар" гына түспүтэ ынырык хартыына этэ, сирэйэ-хараҕа, дьүһүнэ-бодото, элээр-мэлээр көрүүтэ -барыта киһи кутун хамсатар...
Күн Дьөһөгөй бухатыыр - Аял Васильев сыанаҕа киирэн, илэ баачы хамсанан-имсэнэн абааһы бухатыырын кытта киирсиитэ, Айгыр удаҕан абааһылары кытта охсуһуута, ону тэҥэ Аллараа дойду олоҕо- дьаһаҕа барыта эмиэ ураты тыыннаах. Итини барытын көрө олорон киһи иэнэ кэдэҥниир, этэ тымныйар.
Айгыр эдьиийин Уолумары быыһаан Орто дойдуга икки кыталык кыыс буолан, көтөн кэлэллэр. Улахан ыһыах буолбутун сыананы биир гына "Эрэл" норуодунай үҥкүү тыйаатырыгар 30 сыл устата үҥкүүлээбит араас көлүөнэ үҥкүүһүттэрэ бары бииргэ оһуокайдаан, ыллаан-туойан тахсыбыттарыгар көрдүбүт.
Бу испэктээкил икки олоҥхоттон быһа тардыы буолан уонна үҥкүү көмөтүнэн бэриллэн, ордук сытыы, ураты кырааскалаах.
"Эрэл" норуодунай үҥкүү тыйаатыра өссө даҕаны чэчирии, кэнэҕэски көлүөнэни кэрэҕэ уһуйа турдун!

 

Евгения Аржакова
"Кыым" хаһыат

Вернуться назад  

Коллектив театра

Линия жизни

Иван Шакуров

И.Ю. Пестряков

Афиша

“Кыыс Дэбилийэ” премьерата!
ПРЕМЬЕРА! ПРЕМЬЕРА! ПРЕМЬЕРА!Саха норуотугар “Кыыс Дэбилийэ” курдук биир уһулуччулаах эпическэй айымньыны бэлэхтээбит улуу олоҥхоһут Н.П.
Олоҥхо театра “Күн Эрили” диэн оҕолорго аналлаах куукуланан испэктээкилгэ ыҥырар
"Күн Эрили"Олунньу 19 20 күннэригэр 1100 1500 чаастан А.Е. Кулаковскай аатынан Норуоттар доҕордоһууларын Дьиэтигэр Олоҥхо...

Поиск