Сунтаарга Сергей Зверев-Кыыл Уолун аатынан норуот айымньытын киинэ арылынна

Үөрүүлээх бэлиэ тэрээһиҥҥэ мустубут дьон-сэргэ иннигэр ХЭУо “Арктик-Капитал” тэрилтэ генеральнай дириэктэрэ Матвей Евсеев норуот айымньытын киинин дириэктэригэр Алексей Седалищевка уораҕай күлүүһүн туттарда. Улахан суолталаах тэрээһиҥҥэ үөрүүнү үллэстэ СӨ Ил Дархана Айсен Николаев, Сунтаар улууһун Аҕа баһылыга Анатолий Григорьев, СӨ Ил Түмэн Бэрэссэдээтэлин бастакы солбуйааччыта Александр Жирков, ХЭУо “Арктик-Капитал” тэрилтэ генеральнай дириэктэрэ Матвей Евсеев, Ил Түмэҥҥэ дьокутаат Андрей Николаев уонна улууспут дьоно-сэргэтэ кыттыыны ыллылар.

Үрдүк трибунаттан СӨ Ил Дархана Айсен Николаев туруу үлэһит дьоммутугар наҕараадалары туттарда, ол курдук «Заслуженный учитель РФ» бэлиэни Сунтаардааҕы политехническай лицей-интернат математика учууталыгар Инна Ивановаҕа, «Заслуженный работник здравоохранения РС(Я)» бэлиэни Сунтаардааҕы киин балыыһа кылаабынай бырааһын солбуйааччытыгар Марианна Корниловаҕа туттарда. Ону сэргэ СӨ Бырабыытылыстыбатын Грамоталарынан үлэ бэтэрээнэ, СӨ тыатын хаһаайыстыбатын үтүөлээх үлэһитэ Николай Егоров уонна улуустааҕы контрольно счетнай палаата бэрэссэдээтэлэ Ксения Семенова наҕараадаланнылар. «Гражданскай килбиэн» бэлиэлэри Матвей Егоровка уонна өр сылларга Күүкэй нэһилиэгэр баһылыктаабыт Федор Федоровка туттарда. СӨ социальнай-экономическай сайдыытыгар кылаатын, уопсастыбаннай олоххо өр сыллаах таһаарыылаах үлэтин иһин СӨ үрдүкү наҕараадатынан «Полярная Звезда» уордьанынан “Арктик-Капитал” тэрилтэ генеральнай дириэктэрэ Матвей Евсеев наҕараадаланна.

СӨ Ил Түмэн Бэрэссэдээтэлин бастакы солбуйааччыта Александр Жирков СӨ Ил Түмэн Бочуотунай Грамоталарын уонна махтал суруктарын «Главстрой» тэрилтэ директорын эбээһинэһин толорооччу Петр Поповка, «Главстрой» тэрилтэ сүрүн тутааччыта Андрей Варламовка, Күүкэй нэһилиэгин «Алгыс» норуот айымньытын киинин дириэктэригэр Светлана Зедгенидзоваҕа уонна Сунтаардааҕы С.А. Зверев-Кыыл Уолун аатынан улуустааҕы норуот айымньытын киинин отделын сэбиэдиссэйигэр Мария Тараяроваҕа туттарда.

Сунтаар улууһун Аҕа баһылыга Анатолий Григорьев, улуус социально-экономическай сайдыытыгар кылаатын, сыралаах үлэтин иһин Сунтаар улууһун Бочуоттаах олохтооҕо ааты «Главстрой» тэрилтэ директорын эбээһинэһин толорооччу Петр Поповка иҥэрдэ. Улуус Аҕа баһылыгын Бочуотунай Грамоталарынан норуот айымньытын киинин дизайнаабыт Сунтаардааҕы оҕо искусствотын дизайн кылааһын учуутала Марияна Соломонова уонна «Софит Лайт» тэрилтэ генеральнай дириэктэрэ наҕараадаланнылар.

Фото: "Сунтаар улууhа (оройуона)" муниципальнай оройуон дьаһалтатын пресс-сулууспата.
Источник: "Сунтаар улууhа (оройуона)" муниципальнай оройуон дьаһалтатын пресс-сулууспата.
Вернуться назад  

Коллектив театра

Линия жизни

Иван Шакуров

И.Ю. Пестряков

Афиша

“Кыыс Дэбилийэ” премьерата!
ПРЕМЬЕРА! ПРЕМЬЕРА! ПРЕМЬЕРА!Саха норуотугар “Кыыс Дэбилийэ” курдук биир уһулуччулаах эпическэй айымньыны бэлэхтээбит улуу олоҥхоһут Н.П.
Олоҥхо театра “Күн Эрили” диэн оҕолорго аналлаах куукуланан испэктээкилгэ ыҥырар
"Күн Эрили"Олунньу 19 20 күннэригэр 1100 1500 чаастан А.Е. Кулаковскай аатынан Норуоттар доҕордоһууларын Дьиэтигэр Олоҥхо...

Поиск