Эҕэрдэлиибит!

1518143942 72943

Уважаемая Сардана Симоновна!

Поздравляем Вас с заслуженной наградой, присуждением почетного звания "Заслуженный деятель искусств Республики Саха (Якутия)" Желаем дальнейших успехов, крепкого здоровья, благополучия Вам, Вашим близким и родным!

Коллектив Театра Олонхо
16 апреля 2021 г.

 

Эҕэрдэлиибит!

Поздравляем!

ОЛОҤХО ТЫЙААТЫРЫН
ПРЕМЬЕРАТЫНАН ЭҔЭРДЭЛИИБИТ!!!

Биһиги Олоҥхобут тыйаатыра биир дьоһун үлэни бар дьонугар бэлэхтээтэ.
Режиссер Степанида Борисова уонна талааннаах художниктар Сардана Федотова, Екатерина Шапошникова, композитор Николай Михеев уонна Олоҥхо тыйаатырын артыыыстара биир өйүнэн-санаанан салайтаран, айымньылаахтык үлэлээн, Н.П.Бурнашев – Боодьоҕос “Кыыс Дэбилийэ” испэктээги киэҥ эйгэҕэ сүрэхтээбиттэринэн ис сүрэхтэн тахсар истиҥ махтал тылларын этэбит!
Инникитин даҕаны олоҥхону харыстааһыҥҥа,тарҕатыыга, аан дойдуга таһаарыыга киэҥ далааһыннаахтык, үрдүк ситиһиилээхтик үлэлииргитигэр баҕарабыт!

Олоҥхо тыйаатырын бар дьоно
Муус устар 15 күнэ, 2021 с.

 

Эҕэрдэлиибит!

d4129938 a2a29

Ытыктабыллаах Степанида Ильинична!

Эйигин биир идэлээхпитин, үөлээннээх доҕорбутун төрөөбүт күҥҥүнэн тыл сүмэлээҕинэн, дорҕоон чулуутунан, кылыһах кырыымпалааҕынан уруйдаатахпыт, айхаллаатахпыт буолуохтун!
Өр сыллар тухары Саха театральнай искусствотыгар
киллэрбит сүҥкэн кылаатыҥ саха тыллаах баарын тухары ахтылла туруо.

Олоҥхо театрын эйгэтигэр Эн ааккын туспа
суоллаах режиссер быһыытынан билинэбит!
Норуокка киэҥник биллибит оруолларыҥ:
Суоһалдьыйа Толбонноох, Кыыс Дэбилийэ, Одьулуун, Иэйиэхсит Хотун, Айыыһыт уонна да атын саха көрөөччүтэ эйигинниин тэбис тэҥҥэ иэйэр-куойар, уостан түспэт номох буола сылдьаллар.
Степанида Ильинична, биһиги Эйигин
культура эйгэтин үчүгэйдик билэр, сыаналыыр уонна онно бэйэтин кылаатын киллэрбит үлэһит быһыытынан билинэбит уонна киэн туттабыт!
Эн, кырдьары билбэт эдэрдии эрчимиҥ,
чаҕылхай өйүҥ-санааҥ өссө күүстээхтик, уохтаахтык, төлөннөөхтүк
эдэр ыччаты уһуйа турдун!

Баҕарабыт Эйиэхэ үлэҕэр өссө үрдүк ситиһиилэри, кытаанах доруобуйаны, дьон-сэргэ барҕа махталын мэлдьи ыла тураргар!

Төрөөбүт дойдун тыйыс айылҕата, сылаас сибиэһэй салгына
Эйиэхэ өйү-санааны чэбдигирдэр, тыыны-быары кэҥэтэр айылгылаах буоллун диэн баҕа санаабытын этэбит!

Дьиэҕэр-уоккар дьолу-соргуну, аймах билэ дьоҥҥор
эйэлээх, эрчимнээх олоҕу!

Олоҥхо театрын бар дьоно
Муус устар 15 күнэ 2021 сыл

 

Эҕэрдэлиибит!

fb90ea bc4aa

Ытыктабыллаах Виталий Гаврильевич!

Бииргэ үлэлиир үөлээннээх доҕотторуҥ Олоҥхо тыйаатырын үлэһиттэрэ эйиигин
“Үйэлээх ырыалар” үрдүк бэлиэни туппуккунан итиитик-истиҥник эҕэрдэлиибит!
Өссө да хомоҕой хоһооҥҥун, иэйиилээх ырыаҕын айа тур.
Баҕарабыт ыстаал курдук доруобуйаны, дьолу, ситиһиини!

Олоҥхо театра

 

Эҕэрдэлиибит!

f26b986b c7b35

СӨ үтүөлээх артыыһа, РФ култууратын үтүөлээх үлэһитэ, алгысчыт, уһуйааччы

Ытыктабыллаах Афанасий Семенович!

Олоҥхо театрын аатыттан Эйигин 80 сааскын туолбуккунан, олоҕуҥ үөрүүлээх күнүнэн ис сүрэхтэн эҕэрдэлиибит! Норуот айымньытыгар уһуйбут үөрэнээччилэриҥ, Саха норуота сайдарын туһугар, Өрөспүүбүлүкэ араас муннуктарыгар айымньылаахтык үлэлии, үйэлээх үгэстэри, сиэри-туому тарҕата сылдьаллар. Эн олоххо көрүүгүн, хас биирдии саха киһитэ, инники олоҕор айанын-суолун буларыгар, сыралаах үлэҥ үтүө түмүктэригэр, тэҥҥэ үөрэбит, кэрэхсэллээх үлэҕин сэргиибит, биһириибит!

Сир түннүгэ ытык киһибит, бу олоҕуҥ биир саамай бэлиэ күнүгэр баҕарабыт Эйиэхэ киил мас курдук курдук чиргэл доруобуйаны, айымньылаах үлэҕэр үрдүктэн үрдүк ситиһиини!

Олоҥхо театрын бар дьоно
Муус устар 7 күнэ 2021 сыл
Дьокуускай куорат

 


Страница 1 из 47

Коллектив театра

Линия жизни

Иван Шакуров

И.Ю. Пестряков

Афиша

“Кыыс Дэбилийэ” премьерата!
ПРЕМЬЕРА! ПРЕМЬЕРА! ПРЕМЬЕРА!Саха норуотугар “Кыыс Дэбилийэ” курдук биир уһулуччулаах эпическэй айымньыны бэлэхтээбит улуу олоҥхоһут Н.П.
Олоҥхо театра “Күн Эрили” диэн оҕолорго аналлаах куукуланан испэктээкилгэ ыҥырар
"Күн Эрили"Олунньу 19 20 күннэригэр 1100 1500 чаастан А.Е. Кулаковскай аатынан Норуоттар доҕордоһууларын Дьиэтигэр Олоҥхо...

Поиск